منتديات تعب قلبي ترحب بكم
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 (صديقات آخر زمن) .. ساعدوني بليييز

اذهب الى الأسفل 
كاتب الموضوعرسالة
$ عــــــاشق رومنسيه $
Admin


المساهمات : 282
تاريخ التسجيل : 25/09/2009

مُساهمةموضوع: (صديقات آخر زمن) .. ساعدوني بليييز   الثلاثاء سبتمبر 29, 2009 3:15 am

السلام عليكم ورحمة الله وبركاته

كلكم قد عشتوا مواقف حلووة ومرة مع صديقاتكم
وبالأخص المواقف المؤلمة اللي تكون من أعز صديقة
لكم ..

حبيت اقولكم عني وعن صديقتي واتمنى انكم تساعدوني
ولاتبخلوا بردودكم،،انا مالقيت احسن منكم عشان
تساعدوني في مشكلتي ..

هاذي وحده تعرفت عليها في الجامعه ودايما
نتصل على بعض ونتقابل،،طبعا هيه عندها
صديقه عزيزة على قلبها من ايام الثانويه
معانا في الجامعه ودايما حنا الثلاثه نقعد مع بعض ..
الترم الثاني اتغيرت عليا بحيث انها ماصارت تدق
ولا تسأل عني،،ولا كأننا نعرف بعض ومرة دقيت عليها
وسألتها ايش فيك تغيرتي عليا؟؟
ردت عليا تقول قصدك عشان ماادق!!!!!
قلتلها ايوا،،وردت عليا برد زعلني بقوووووة
قالت مافيا أهرج مع أحد،،مع انها مع صديقتها طول الوقت

ولمن جينا للإجازة .. اتوقعت انها ترسللي رساله تتطمن علي وتسأل
عني (طبعا انا كنت ارسلها بعض الاحيان واطمن عليها لكن هيه ماتراسلني
عشان ماعندها رصيد) لكن لا حياة لمن تنادي ،، ماسألت عني خير شر
مره وحده انا سألت عليها في الاجازة وكان رساله رسلته لها عالمسن
وبعد 3 اسابيع قابلتها عالمسن وسألتها فينك ماتسألي عني اختفيتي
مره وحده،،ردت عليا انتي اللي فينك انتي اللي اختفيتي!!!

نجي بعد العيد .... الكارثه اللي ماتوقعتوا منها
قابلتها عالمسن ولقيتها موجوده وكان هذا محور حديثنا :

أنا:سلام

صديقتي:وعليكم السلام

أنا:أخبارك؟؟

صديقتي:الحمدلله،،اخبارك انتي؟؟

أنا:الحمدلله،،انا اسفه اذا انتي مشغوولة (كانت حاطه مشغوول)

صديقتي:عادي

أنا:كل عام وانتي بخير،،كيف العيد معاك؟؟

صديقتي:وانتي بخير،،الحمدلله وانتي كيف العيد معاك؟؟

أنا:الحمدلله

وسكتنا مدة 8 دقائق تقريبا ماحد تكلم لا انا ولا هيه
واستغربت منها دايما تبغاني ابدأ معها في الكلام
لا سألتني عن الجدول حقي عشان نكون مع بعض
في الدراسه ولا سألتني كيف جدولك ولا حاجه
كأني اكلم حجر ..

شويه قلتلها شكلك مشغوولة مانتي فاضيه تكلميني يالله اسيبك

اتوقعوا ايش ردت عليا !!!!!!!!!!!!!!!!!!!!!


ردت عليا ((لا بس كنت اسمع اغااااااااااااني))
يعني الأغاني اهم من صاحباتها

لو كنتوا في مكاني ايش حتسوو؟؟
وكيف حتتعاملوا مع اعز صديقة لكم بعد ان تكتشفوا انها ماتستاهل تكون صديقة؟؟
بإيش تنصحوني بعد الموقف اللي صار معي .. ترا انا اشيل هم ناس مايشيلوا
همي وهذا عيبي اتمنى اني اغيره ..

اتمنى اني القى ردود كثييييييرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://khleeg.darbalkalam.com
 
(صديقات آخر زمن) .. ساعدوني بليييز
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تعب قلبي  :: «®°·.¸.•°°·.¸¸.•°°·.¸.•°®» الاقسام العامة«®°·.¸.•°°·.¸¸.•°°·.¸.•°®» :: & النقاش والحوار &-
انتقل الى: